Um okkur

Er eldunaraðstaða á svæðinu?

Það er sameiginlegt rými í hlöðunni, þar sem gestir okkar hafa afnot af kolagrilli, gasgrilli, diskum, hnífapörum, eldavél og pottum til að elda og snæða mat. Þá eru borð og stólar í hlöðunni auk aðstöðu til að vaska upp.

Hvað er hægt að gera í Norðurfirði?

Auk sundlaugarinnar og veitingastaðarins eru gönguleiðir og vinsæl sandfjara í nágrenninu. Flestir koma þó til þess að njóta kyrrðarinnar og náttúrfegurðarinnar.

Er Krossneslaug nálægt Norðurfirði?

Krossneslaug er aðeins um 3 km frá Norðurfirði. Það er ómissandi partur af ferðalaginu að koma við í Krossneslaug.

Vegurinn í Norðurfjörð

Það borgar sig að gefa sér tíma til að keyra til Norðurfjarðar, þar sem vegurinn frá Bjarnafirði er einbreiður malarvegur. En það er vel þess virði þar sem náttúran á leiðinni er stórbrotin.

Veitingar í nágrenninu

Sveitin er mjög afskekkt, en frá 1. júní til 20. ágúst er veitingastaðurinn Kaffi Norðurfjörður opinn. Hann er í um 1 km. fjarlægð. Opnunartíminn er frá kl 12 til 21 en hægt er að fá morgunverð ef pantað er með a.m.k. eins dags fyrirvara.